« بَلۏچانی زُبانــَـئ اوّلی سالْ رۏچ»

1)تـَوار و لذ ّتانی گــَـرد و هاکــَـه

بلۏچانی گــُلڃن کـَنـْدَگْ پَه جاکـَه

2)بلۏچانی زُبان انـْگـَتْ نـَـمُرْتـَگْ

جگرْ ، زانـْتِن ؛دلا؛ هِـزمَتْ نـَکـُرْتـَـگْ

3)بلۏچانی زُبانـَئ سالْ ، رۏچـِـن

بیا مَرْچی غمان کــَمِّـڃ بـِسۏچـِـن

4)زُبان شَهْدڃن تـَهی اَنـْگـَتْ نـَمُرْتـَه

بلــۏچانا بَــلِــه دڃـما نـَبـُـرْتـَه

5)مَـنی نازڃن زُبان پَرْچڃ کـَبابـِنـْتّ

دِلـــَـئ گــَپُّن پَدا هـَن بـڃ جوابــِـنـْتّ

6)بلۏچانی زُبانــَـئ سالْ ، گــَشْتـَه

دلا شـَـیْرڃ دِگِه جَنجالْ ؛ گـَشـْتـَه

7)مَنی سَـنـْگـَتْ مَنی واجَه ؛ بیا تـَوْ

وَتی لـَـبْـزا بـِدَئ کـَمِّـڃ وَپــا تــَوْ

8)بلۏچانی زُبان مارا تـَوارنـْتّ

که بیگانـَگ شـُمَئ لـَبْزان سُوارنـْتّ

9)بـِـبَر دڃما وَتی شَهْدڃن زُبانا

پَه بیگانـَگ مَکـَن هِـزْمَـت !جهانا!!

10)وَتی لـَبْزان دلــَـئ چَمّانْ بـِدارت

وَتی گـَپّانْ پَـه سَرْ چـَـمّان بـِـچارت

11)بلۏچانی زُبانـَئ سالْ ، رۏچـِن

بیا واجَه دلا پَرْ وَت ؛ بــِسۏچـِن